14.06.2026. Всех святых в земле Русской просиявших
«Прииди́те, собо́ри Росси́йстии,/ су́щия в стране́ на́шей святы́я восхва́лим:/ преподо́бныя, и иера́рхи, и кня́зи благове́рныя,/ му́ченики и священному́ченики,/ и Христа́ ра́ди юро́дивыя,/ и жен святы́х сосло́вие,/ вку́пе имену́емыя и неимену́емыя,/ си́и бо вои́стинну де́лы и словесы́, и многови́дным житие́м,/ и от Бо́га дарова́нии/ соде́лашася святи́и/ и Руси́ тезоиме́ние свя́тости пода́ша,/ и́хже и гро́бы Бог чудесы́ просла́ви,/ и ны́не несре́дственне просла́вльшему их Христу́ предстоя́ще,/ мо́лятся приле́жно о нас,// любо́вию соверша́ющих све́тлое их торжество́.»
